അലക്സാണ്ടറും ഇന്ത്യൻ പര്യടനവും നിഗൂഡതകളും - Alexander's Indian Campaign and mystery - Part 1

വിക്രം മൽ-ഹൊത്രയുടെ ഒരു ലേഖനാണു താഴെ കൊടുക്കുന്നത്‌!

അലക്സാണ്ടര് ചക്രവര്ത്തിയുടെ ഇന്ത്യാ ആക്രമണത്തെ കുറിച്ച് എല്ലാവരും കേട്ടിട്ടുണ്ടാവുമല്ലൊ. അലക്സാണ്ടര് ബി.സി. 326 ഇല് ഇന്ത്യ ആക്രമിച്ചു എന്നും, പോറസിനെ പരാജയപ്പെടുത്തിയെന്നും, അങ്ങനെ ഇന്ത്യയെ തന്റെ അധീനതയിലാക്കിയെന്നും, ഒടുവില് പരാജയപ്പെടുത്താന് തനിക്കിനി രാജ്യങ്ങളൊന്നും ബാക്കിയില്ലല്ലൊ എന്ന് അദ്ദേഹം വിലപിച്ചെന്നുമാണല്ലൊ നാം സ്ക്കൂളില് പഠിച്ചിട്ടുള്ളത്. എന്നാല് ഇതില് വാസ്തവമുണ്ടൊ? അലക്സാണ്ടര്ക്ക് ഇന്ത്യയെ തന്റെ അധീനതയിലാക്കാന് സാധിച്ചിരുന്നൊ ? വാസ്തവത്തില് ഇന്ത്യയില് നിന്ന് അദ്ദേഹംപലായനം ചെയ്യുകയല്ലെ ഉണ്ടായത് ? സത്യാവസ്ഥ ഒന്നു പരിശോധിച്ചു നോക്കാം.
അലക്സാണ്ടര് പോറസിനെ പരാജയപ്പെടുത്തി എന്നത് നേരാണ്. എന്നാല് ആരാണ് ഈ പോറസ് ? ഇന്നത്തെ പഞ്ചാബിലെ ഝേലം, ചേനാബ് നദികളുടെ ഇടയിലുള്ള ഒരു ചെറിയ നാട്ടുരാജ്യത്തെ രാജാവ് മാത്രമായിരുന്നു പോറസ്. ഇദ്ദേഹത്തിന്റെ കൈവശം ആകെ 30000 കാലാള് പടയാളികളും 5000 കുതിര കുതിരപടയാളികളും, 200 ആനകളും മാത്രമാണുണ്ടായിരുന്നത്. എന്നാല് ഇത് അലക്സാണ്ടറുടെ സൈന്യത്തേക്കാള് വലുതായിരുന്നു. യുദ്ധത്തില് അലക്സാണ്ടര് ജയിച്ചെങ്കിലും, അന്നോളം നേരിട്ടിട്ടില്ലാത്ത നാശനഷ്ടങ്ങളാണ് അദ്ദേഹത്തിനു നേരിടേണ്ടി വന്നത്. പോറസിന്റെ സൈന്യത്തിലെ ആനകളായിരുന്നു ഇതിനു പ്രധാന ഉത്തരവാദി. മാസിഡോണിയന് സൈന്യത്തിനു ആനകളെ എതിരിട്ട് അത്ര പരിചയം ഇല്ലായിരുന്നു. ഇത് മൂലം ആനകള് മാസിഡോണിയന് സൈന്യത്തില് കനത്ത നാശം വിതച്ചു. എങ്കിലും യുദ്ധം ജയിക്കാന് അലക്സാണ്ടറിനായി.് പോറസിന്റെ സാമ്രാജ്യത്തിനു കിഴക്ക് ഭാഗത്തുള്ള മഗധ സാമ്രാജ്യമായിരുന്നു അലക്സാണ്ടര് അടുത്തതായി ഉന്നം വെച്ചത്. എന്നാല് പോറസിന്റേത് പോലെ ഒരു കുഞ്ഞന് സാമ്രാജ്യമായിരുന്നില്ല മഗധ. കിഴക്ക് ബിഹാര്, ബംഗാള് മുതല് പടിഞ്ഞാറ് പഞ്ചാബ്, സിന്ധ് വരെ വ്യാപ്തിയുള്ള കൂറ്റന് സാമ്രാജ്യമായിരുന്നു മഗധ. കരുത്തനായ ധനനന്ദന് ആയിരുന്നു മഗധയുടെ ചക്രവര്ത്തി. യുദ്ധത്തിനായി തയ്യാറെടുക്കവെ ആണ് മഗധയുടെ സൈനിക ശക്തിയെ കുറിച്ച് അലക്സാണ്ടര്ക്ക് അറിവു ലഭിക്കുന്നത്. 2 ലക്ഷം കാലാള് പടയാളികള്, 80000 കുതിര പടയാളികള്, 8000 രഥങ്ങള്, ഇതില് എല്ലാറ്റിനും ഉപരിയായി 6000 ആനകളും. യേശു ക്രിസ്തു ജനിക്കുന്നതിനും 326 വര്ഷങ്ങള്ക്ക് മുന്പാണ് ഈ സംഭവങ്ങള് നടക്കുന്നത് എന്ന് ആലോചിക്കണം. ഈ വിവരങ്ങള് എത്തിയതോടെ അലക്സാണ്ടറുടെ ക്യാമ്പില് പരിഭ്രാന്തി പടര്ന്നു പിടിച്ചു. അതിന്റെ കാരണം വളരെ ലളിതമായിരുന്നു. വെറും 200 ആനകള് മാത്രമുണ്ടാണിരുന്ന പോറസിന്റെ സൈന്യം ഇത്ര മാത്രം നാശനഷ്ടം മാസിഡോണിയന് സൈന്യത്തില് വരുത്തി എങ്കില് 6000 ആനകളുള്ള ഒരു സൈന്യത്തിനു മുന്പില് ചെന്നു പെട്ടാല് എന്തായിരിക്കും സംഭവിക്കുക ? അലക്സാണ്ടറുടെ സൈനിക ശക്തി കേവലം 40000 കാലാള് പടയാളികളും, 7000 കുതിര പടയാളികളും മാത്രമായിരുന്നു എന്നോര്ക്കുക. താമസിയാതെ അലക്സാണ്ടറുടെ ക്യാമ്പില് കലാപം പൊട്ടിപുറപ്പെട്ടു. വീണ്ടും യുദ്ധം ചെയ്യാന് അവര് വിസമ്മതിച്ചു. ഇതേ കുറിച്ച് അലക്സാണ്ടറുടെ ജീവചരിത്രകാരനായ പ്ളൂട്ടാര്ക്ക് എഴുതിയിട്ടുളളത് വായിക്കാം

"മാസിഡോണിയക്കാരെ സംബന്ധിച്ചിടത്തോളം പോറസുമായുള്ള പോരാട്ടം അവരുടെ ധൈര്യത്തിന്റെ മൂര്ച്ച കുറക്കുകയും, ഇന്ത്യയിലേക്ക് അവരുടെ തുടര്ന്നുള്ള കടന്നു കയറ്റത്തെ ഇല്ലാതാക്കുകയും ചെയ്തു. 20000 കാലാള് പടയാളികളും, 2000 കുതിര പടയാളികളുമായി ചുരുങ്ങിയ സൈന്യം അലക്സാണ്ടര് ഗംഗാ നദി മുറിച്ച് കടക്കണം എന്ന് നിര്ബന്ധം പിടിച്ചപ്പോളെല്ലീം ശക്തമായി അതിനെ എതിര്ത്തു. ഗംഗാ നദിയുടെ ആഴം 100 ഫാതം (183 മീറ്റര്) ആയും, അതിന്റെ വീതി 32 ഫര്ലോംഗ് ( 6738 മീറ്റര് ) ആയും ആണ് അവര് കണക്കാക്കിയിരുന്നത്. അതിന്റെ മറുകരയില് ആയുധധാരികളായ ആളുകളുടേയും, കുതിരപടയാളികളുടേയും, ആനകളുടേയും ഒരു കൂട്ടം തന്നെയുണ്ടായിരുന്നു. ഗാന്ധാരത്തിലേയും, പ്രാസി (മഗധ) യിലേയും രാജാക്കന്മാര് 80000 കുതിരപടയാളികളും, 2 ലക്ഷം കാലാള് പടയാളികളും, 8000 രഥങ്ങളും, 6000 ആനകളുമായി അവരെ കാത്തിരിക്കുകയാണ് എന്ന വിവരമാണ് ലഭിച്ചത്. ഈ കണക്കുകളില് യാതൊരു തരത്തിലുള്ള വീമ്പു പറച്ചിലുകളും ഇല്ല. "
എതിരാളിയുടെ ഈ വന് സൈനിക ശക്തി കണ്ട് ഭയന്നു പോയ മാസിഡോണിയന് സൈനികര് ക്യാമ്പില് കലാപം തുറന്നു വിട്ടു. എങ്കിലും അലക്സാണ്ടര് ധീരന് തന്നെയായിരുന്നു. വ്യക്തിപരമായി, യുദ്ധം ചെയ്യാന് തന്നെ ആയിരുന്നു അദ്ദേഹത്തിനു താത്പര്യം. പക്ഷെ തന്റെ സൈനികരുടെ നിസ്സഹകരണത്തിനു മുന്പില് ഒടുവില് അദ്ദേഹത്തിനു മുട്ട് മടക്കേണ്ടി വന്നു. ഇനി പറയൂ അലക്സാണ്ടര് ഇന്ത്യ കീഴടക്കി എന്നു പറയുന്നതില് എന്തെങ്കിലും വാസ്തവമുണ്ടോ ? ഇന്ത്യയുടെ 5% ഭൂമി പോലും കൈവശമില്ലാതിരുന്ന പോറസിനെ പരാജയപ്പെടുത്തിയത് ഇന്ത്യയെ പരാജയപ്പെടുത്തുന്നതാവുന്നതെങ്ങനെയാണ് ? വാസ്തവത്തില് അലക്സാണ്ടര് ഇന്ത്യയെ ഭയന്നോടുകയായിരുന്നു എന്ന് ഭാരതീയര് വിശ്വസിച്ചാല് അത് തെറ്റാണെന്ന് പറയാനാകുമോ ? ഇനി അലക്സാണ്ടരുടെ ആഗ്രഹപ്രകാരം ആ യുദ്ധം നടന്നിരുന്നു എങ്കില് എന്ത് സംഭവിക്കുമായിരുന്നു ? തീര്ച്ചയായും അലക്സാണ്ടരുടെ സമാധി ഗംഗാ നദീതീരത്ത് വെച്ചു തന്നെ നടക്കുമായിരുന്നു.

ബാക്കി അടുത്ത ലക്കം!

Share on Google Plus

About admin